الشيطان سبب فساد العلاقات الزوجية

الشيطان سبب فساد العلاقات الزوجية 

متوفر بواسطة موقع 

ساجو أكسبرس

الشيطان سبب فساد العلاقات الزوجية 

[ البوست الأول ]  

إحنا في رمضان بتزيد العصبية عند بعض الناس وتزيد المشاكل أحيانا وهنقول ده العيب في نفسنا إحنا عشان مافيش شياطين في رمضان لاء طبعا .. 

لأن الأبالسة الكبار هما اللي مصفدين لكن الأبالسة الصغيرين منتشرين .. أومال المعاصي اللي بتُرتكب في رمضان وفي عز نهار رمضان أحياناً دي سببها مين غير وساوس الشيطان !! ✨ ده كمان فيه شياطين دورها مخصص أنها تفسد بين الزوجين وبين كل إتنين بينهم مشاعر طيبة وجميلة.

ولا كمان المشاكل اللي دايما تريند

في الأعياد والمناسبات 🤣😂 ⭐ فاكرين لما سيدنا يوسف عليه السلام قال : 

{من بعد أن نزغ الشيطان بيني وبين إخوتي }

🌟 فالشيطان من أدواره الكبيرة أنه يفسد العلاقات الحلوة ويوقع بين الناس ويوسوسلهم باللي يخليهم يزعلوا من بعض وتزيد المشاكل مابينهم ويتخاصموا ويتفرقوا ✨وهكذا أي إتنين بينهم وبين بعض مشاعر حلوة بوجه عام سواء كانوا زوجين أو إخوات أو جيران او أصدقاء 🌠 عشان كده عجبني كلام جميل جدا في الموضوع ده للكاتب المبدع عمرو منتصر في فيديو جميل ليه بيقول الآتي :👇👇 🔸️بيقول عمرك فكرت إيه السر في المشاكل الزوجية الكتيرة أوي اللي بتحصل عمال علي بطال ؟..

والخناقات اللي بين أي إتنين متجوزين .. أنا عاوز أي حد بيفكر إنه يدخل في علاقة أو بيفكر إنه يخرج من علاقة أو ينفصل يأخر قراره لغاية مانقول الكلام ده عشان يعرف إيه السر في فساد العلاقات الزوجية 👇👇 🎆 فيه حديث شهير عن النبي ﷺ بيقول : 

[لا يخلون رجل بامرأة فإن الشيطان ثالثهما ] وجهة نظر جميلة من أستاذ عمرو أن الحديث ليه معني أعم وأشمل بجانب المعني اللي كلنا عارفينه للحديث وأنه بيوضحلنا ضوابط الخلوة الشرعية ودي ممكن نعمل سيرش عليها .. فبيقولنا بشكل عام لو اجتمع رجل

وامرأة أقصي ذنب هيعملوه هو إرتكاب فاحشة الزنا .. 

🔹️ لكن الشيطان أهدافه أعمق وأكبر من كده كمان عشان كده

بشكل خاص فيه معني أخص كمان : أنه لو اجتمع راجل ومراته أن الشيطان بيكون تالتهم يعني الإتنين المتجوزين الشيطان بيكون تالتهم .. بيكون قاعد معاهم في أي قعدة بيقعدوها لوحدهم ..

#أتجوز_صح