كتير من الشباب و البنات دايما يشتكوا ويقولوا أن البروتين سبب لانة بيسقط الشعر هل فعلا البروتين يسبب التساقط

طيب هل البروتين بيعالج التساقط ؟ جمال المرأة

جمال المرأة يهمنا:

نقلها لكم. ساجوأكسبرس:

أسباب _تساقط _الشعر 

كتير من الشباب و البنات دايما يشتكوا ويقولوا أن البروتين سبب لانة بيسقط الشعر

هل فعلا البروتين يسبب التساقط؟
اولا لازم نعرف ان البروتين مش سحر ولا المخصص أو المتخصصه معآ عصايه سحريه بتحول بيها الشعر 180 درجه
البروتين مجرد علاج نسبي للتقصيف الهيشان ويفرد الشعر بطريقه طبيعيه 

طيب هل البروتين بيعالج التساقط؟

لا طبعا البروتين مش بيعالج التساقط واي متخصص و متخصصه تقولك هيعالجه يبقي بتخدعك لان البروتين اصلا المفروض مش بيتحط خالص علي فروه الراس
طيب امتي يكون البروتين علاج للتساقط؟
لما يكون التساقط ده بسبب ان الشعر متعقد في بعضه وصعب التسريح وبالتالي بتقطعيه اثناء تسريحه
في الحاله دي التساقط هيقف ليه؟ لان مبقاش في تشابك خالص 

والشعر بقي سهل التسريح 

لكن واحد أو حده عندها انيميا هي اللي مسببه التساقط مثلا البروتين هيوقفلها التساقط ازاي؟؟؟؟؟؟؟؟؟

طيب ليه دايما البنات تعتقد ان البروتين سببلها تساقط
اولا ممكن يكون كان عندها تساقط من الاول بس مكانش بيتحلاظ لان الشعر كان مجعد لكن دلوقتي هي بتشوف الشعر وهو واقع مفرود
ثانيا انها تكون معالجتش التساقط قبل ماتعمل البروتين لان ده في حد ذاته كارثه لان لازم تعالج التساقط وتاخد مقويات للبوصيله عشان البروتين ميبقاش وزن زياده علي الشعر فيسبب التساقط
ثالثا اغلب البنات تشتكي من التساقط مثلا بعد شهرين او تلاته من.

البروتين طيب تعالوا نعرف ايه السبب

السبب ان الجدور بتاعت الشعر بتكون طولت لان البروتين بيطول الشعر جججددددا بس هي بتطول بطبيعتها القديمه فبتكون مجعده ومجهده فلما بتيجي تسرحي الشعر بيكون صعب تسريح الجذور فبتشدي شعرك جامد فيبدا يتقطع ودي دايما بتحصل مع الشعور الافريقيه طيب حلها ايه؟ بسيط جدا الترطيب ثم الترطيب ثم الترطيب وخاصه للشعر الجديد واستعمل فرشه او مشط سنونه واسعه وبلاش تعذبوا شعركم وانتوا بتسرحوه.

رابعا ممكن تكوني كنتي بتعملي صبغات او كريمات فرد او خلطات غريبه كل ده بيخلي الشعر يضعف وبالتالي كل التالف اللي في الشعر بيتكسر ويتساقط لانه بيبقي ضعيف جدا عن الشعر الطبيعي

طبعا يابنات انا بتكلم عن التساقط المبالغ فيه اللي هو اكتر من 100 

شعره باليوم لان ده معدل تساقط طبيعي
نيجي بقي لواحده مثلا بعد شهرين تقولك شعري خس خالص عن الاول مبقاش زي اول ما عملته طيب مهو طبيعي انه ميبقاش زي اول ماعملتيه لان الجذور لما بتطلع بتكون هايشه ومنفوشه فبتتدي حجم زياده للشعر الجديد وبالتالي بيبان ان اللي معمول اقل لكن مش قل واضحه كده؟

طيب ناس تانيه تقول شعري اتقطع من قدام بعد مثلا شهر احب اسالهم اشمعني الشعر اللي قدام بس اللي هيتقطع ؟؟؟؟؟

دي بتبقي غالبا جدور شعر جديد لسه بينمو وهتلاقيها في كل الفروه لكن طبعا احنا مش بنكون ملاحظين الا اللي قدام بس لانه هو الاوضح
يابنات بالغقل كده اقوي تركيز للبروتين في الشعر بيكون الايام الاولي يعني الاسبوع الاول مثلا الاسبوعين الشهر الاول لان نسبه وجود البروتين بتكون اعلي فمن الطبيعي ان لو البروتين هيسبب تساقط يكون في الشهر الاول في ابشع حالته مش العكس
وبالنسبه للناس اللي عندها تساقط قبل البروتين انصحها قبل البروتين تستخدم اكرينال او لوريال الفيف اسبراي استرونج فيل اسبري هيقوي البوصيله عندهم.